Afrikaanse Musiek is Witwarm!

Afrikaanse musiek is witwarm en vra om gehoor te word!

Afrikaanse musiek vorm nie verniet een van die mees gewilde en bes-verkopende markte in die algehele Suid-Afrikaanse musiekbedryf nie. In 2009 was Juanita du Plessis en Theuns Jordaan se Bring jou Hart die land se bes-verkopende musiek-DVD. In dieselfde jaar was Elizma Theron en Nicholis Louw se Kom Ons Vat ‘n Kans die volledige aflaaibare liedjie waarvan landswyd die meeste verkoop het. So kan nog baie voorbeelde genoem word van Afrikaanse musiek se trefkrag. Verder kan van ons kunstenaars en groepe gunstig meeding met internasionale musieksterre.

By AfrikaanseMusiek.net wil ons die beste van Afrikaanse musiek na jou toe bring vir algehele luistergenot!

Afrikaanse Musiek is Witwarm – Of is dit?

Hier by AfrikaanseMusiek.net erken ons die sukses van Afrikaanse musiek die afgelope paar jaar (in terme van verkope). Maar is die gehalte van die musiek altyd so hoog? Of is die gemiddelde gehalte van die musiek en/of liriek maar taamlik laag, maar die deursneë luisteraar gee net glad nie om nie? Of was die die gemiddelde gehalte redelik hoog, maar begin baie afneem die afgelope jaar of twee?

Hierdie is die vrae waaroor ons heelwat begin debatteer het, en ons het nog nie die antwoorde daarop nie. Ons weet dat die gehalte van die musiek gaan verskil van genre tot genre, maar dit voel tog of daar ‘n vervlakking in die gehalte van musiek in die breë ligtemusiek- en popmusiek genres is. Dit kan egter net ‘n persepsie van ons kant af wees, en ons kan dit nie kwantifiseer nie. Maar ons voel ons wil ons sienings ook aan ons lesers oordra en met julle daaroor ‘n gesprek voer.

In die volgende inskrywing gaan ons julle voorstel aan twee van ons skrywers wat die saak gaan hanteer en hopelik kan ons dit op ‘n ligte trant hou en ook baie pret hê daarmee!

Julle gaan later uitgenooi word om deel te hê aan die gesprek met julle kommentaar, maar onthou ons behou die reg voor om ongepaste kommentaar te verwyder of te modereer. Neem asseblief in ag dat kinders ook hierdie inskrywings en kommentaar lees, en daarom moet taalgebruik asseblief sodanig hanteer word. Taalpuriste moet hulself maar inhou, want daar gaan nie noodwendig altyd suiwer Afrikaans gepraat word nie, maar sien dit eerder as ‘n poging om die taal uit te bou en te laat oorleef.

Rebel en Ratz

Ons het onlangs begin wonder oor Kurt Darren se song Rebel en Rats – wie is hierdie twee karakters van wie hy sing? Skynbaar was dit die byname van die liedjieskrywer en sy vriend uit sy kinderjare. Maar ons kon glad nie aanklank vind hierby nie – die name het vir ons geen betekenis nie. Miskien sou dit beter gewees het om te sing oor twee bekende name soos Batman en Robin, of Bonnie en Clyde (ja, ons weet hulle kom al in ‘n ander Afrikaanse song voor), of Ratman en Bobbin (ok, dis bietjie weird), maar julle kry die idee…

Dis hoe ons toe besluit het op die skuilname van ons twee skrywers: Rebel en Rats. Maar die een wat Rats moes speel, kla toe dat Rats in Engels rotte beteken, en dis nie vir haar nie. Dus het ons toe die naam verander na Ratz. Goed, nou stel ons hulle aan julle voor:

Afrikaanse Musiek: RebelRebel: Hy is ‘n willewragtag wat baie krities is oor Afrikaanse musiek, maar tog goeie musiek kan waardeer. Hy hou daarvan om met wetenskap te eksperimenteer en toe hy so 14 jaar oud was, het hy sy ouers se buitekamer opgeblaas met so ‘n projek van hom. Hy sê hy het niks oorgekom nie, maar kan glad nie onthou wat presies gebeur het nie as gevolg van die hou wat hy teen sy kop ontvang het. Ons is nie so seker daaroor nie (dat hy niks oorgekom het nie)… Hy sê hy kan sewe musiekinstrumente bespeel, maar ons weet net van twee: die radio en die fool.

 

 

Afrikaanse Musiek: RatzRatz: Sy is ‘n wannabee rock chick (in Afrikaanse musiek), maar is eintlik baie skaam en wil nie erken dat sy ‘n nerd is nie (dis ‘n baie teer sakie daardie).  Haar grooste claim to fame is dat sy derde gekom het in die 2010 Suid-Afrikaanse Air Guitar kampioenskappe. Sy is egter meer redelik in haar sienings oor die gehalte van Afrikaanse musiek as Rebel. Sy wil graag ‘n biker chick ook wees, maar is baie bang om op bikes te ry… dus trek sy maar net so aan (asof sy een is.) Indien julle nog nie agtergekom het nie – sy kan die lugkitaar bespeel.

 

Ons gaan hulle twee binnekort aan die woord stel. Laat die debat begin!

Lianie May

Lianie MayLianie May is bekend vir haar goue stem en borrelende verhoog-persoonlikheid. Haar eerste enkelspeler “Jy Soen My Nie Meer Nie” het die hoogtes ingeskiet op trefferlyste landswyd en is opgevolg deur ander blitstreffers soos “Pretoria” en “Toe Stop My Hart” (opgeneem saam met Jay van die pop groep Eden).

Lees die res van hierdie inskrywing »

7de Hemel

Titel: 7de Hemel

Lees die res van hierdie inskrywing »

Chris Chameleon

Chris ChameleonVoorheen bekend as die sanger en baskitaarspeler vir die rock groep Boo!, het Chris Chameleon nie gesukkel om vir homself ‘n groot groep toegewyde aanhangers te verseker aan die begin van sy solo-loopbaan nie. Chameleon is veral bekend vir sy toonsettings van verskeie Ingrid Jonker gedigte en sy “Klassieke Chameleon” vertonings, wat op CD en DVD vrygestel is. Hy is ook genomineer vir twee SAMA’s vir sy albums Ek Herhaal Jou en Shine.

Lees die res van hierdie inskrywing »

Nicholis Louw

Nicolis Louw se albums:

Hier Naby Jou

Lees die res van hierdie inskrywing »